ထားဝယ်ဆိုလျင် ရှင်ကိုးရှင် (သို့) တနင်္သာရီတိုင်းရဲ့ မြို့တော်😊

 

ထားဝယ်ဆိုလျင် ရှင်ကိုးရှင် (သို့) တနင်္သာရီတိုင်းရဲ့ မြို့တော်

.............................................................................

ခရီးတွေက လည်း သွား မရသေးတဲ့ ခုချိန်မှာ အရင်က သွားခဲ့ဖူးတဲ့ ... ထားဝယ်အကြောင်းလေး တင်ပေးလိုက်ပါတယ်ဗျ ... ထားဝယ် ကို ကျွန်တော်တို့တွေတူတူသွားလည်ကြမယ်ဗျာ ... သွားလည်ဆိုတော့ကာ ထားဝယ်ကို သွားလည်တယ်ဆိုတာထက် ဘုရားဖူးခရီးဆိုရင်ပိုမှန်မယ်ထင်တယ် ... ဘာကြောင့်ဆိုတော့ အားလုံးလည်းသိကြ ကြားဖူးကြမယ်ထင်ပါတယ် ထားဝယ်မြို့ရဲ့ အထင်ကရ ဘုရားတွေ ဖြစ်တဲ့ ထားဝယ်ရှင်ကိုးရှင် ကို ကျွန်တော်ခေါ်သွားပေးပါရစေ .... ခရီးစဉ် ရဲ့ အစ ...

ဌာနေ ရန်ကုန်ကနေဆို ထားဝယ်ကို ညထွက်ရင် မနက်ရောက်တယ်ပေါ့လေ မနက်အစောထွက်ရင်တော့ ညနေလောက်ရောက်တယ်... ပြန်မျှ ကြာချိန် ၁၂ နာရီ လောက်ကြာပါတယ်...ခရီးအကွာအဝေးက ရန်ကုန်ကနေဆို ၆၁၄.၃ကီလိုမီတာ(၃၈၂မိုင်)ကွာဝေးပါတယ်...ထားဝယ်ကို လေယာဉ်နဲ့လည်းသွားလို့ရတယ် နော် ကားအကြာကြီးမစီးချင်တဲ့သူတွေဆိုပြောတာပါ...ထားဝယ်သွားတဲ့ လမ်းအခြေအနေ... အာဆီယံ လမ်းမ ကြီးရဲ့ လမ်းပိုင်းဖြစ်လို့ လမ်းအနေအထားကတော့ ကားလေးနဲ့ ငြိမ့်ငြမ့်ညောင်းညောင်းသွားလို့ရတယ်ပေါ့လေ...ရန်ကုန်က နေ ထားဝယ်ကို ကြားထဲမှာ ဖြတ်သန်းရတဲ့ မြို့တွေက ပဲခူး၊ကျိုက်ထို၊မော်လမြိုင်၊မုဒုံ၊ရေး မြို့တွေကို ဖြတ်သန်းရပါတယ်...ရေး၊ထားဝယ်၊မြိတ်၊ကော့သောင်း..တနသာၤရီတိုင်းရဲ့ မြို့တွေပါ...အိုကေ မုဒုံကျော်ပီးရင်တော့ မွန်ပြည်နယ် က နေ တနသာၤရီတိုင်းထဲကို ရောက်ပါပီနော် တနသာၤရီတိုင်းမှ လှိုက်လှဲစွာ ကြိုဆိုပါ၏ ဆိုတော့ ဆိုင်းပုဒ်ကြီး နဲ့ အမှတ်တရ ဓာတ်ဖမ်းကြမယ်....

ထားဝယ်မြို့....

ထားဝယ်မြို့ က တနသာၤရီတိုင်းရဲ့ မြို့တော်ဖြစ်ပါတယ်...အကျယ်အဝန်း ၂၆၃၆.၁၄စတုရန်းမိုင်ကျယ်ဝန်းပါတယ်...ထားဝယ်မြစ်ရဲ့တစ်ဖက်ကမ်းမှာတည်ရှိပါတယ်.....ထားဝယ်မြို့က မြန်မာနိုင်ငံရဲ့ သန့်ရှင်းဆုံးမြို့တမြို့အဖြစ်စာရင်းဝင်ထားပါတယ် ၂၀၂၀ ဘရူနိုင်းမှာကျင်းပါ့မယ် ASEAN Clean Tourist City standard Award 2020 မှာ စာရင်းဝင်မြို့၃မြို့ မှာ ကယားပြည်နယ် မြို့တော် လွိုင်ကော် ၊ရှမ်းပြည်နယ်တောင်ပိုင်းမြို့တော် တောင်ကြီး နဲ့ တနသာၤရီတိုင်း မြို့တော် ထားဝယ်မြို့ တို့ ဖြစ်ပါတယ်။

ထားဝယ်ရှင်ကိုးရှင်

ထားဝယ်မြို့ ရဲ့ အထင်ကရဘုရားများဖြစ်တဲ့ ထားဝယ်ရှင်ကိုးရှင်ကို သွားဖူးကြရအောင်...ထားဝယ် ရှင်ကိုးရှင် ဘုရားတွေ မှာ တော သုံးဆူ တောင် သုံးဆူ မြို့ သုံးဆူဆိုပြီး ရှိပါတယ်...ထားဝယ်မြို ့မရောက်ခင် ရေး-ထားဝယ်ကားလမ်း မှာရှိတဲ့ ကလိန်အောင်မြို့ က ရှင်ဆံတော် ဘုရားကို ကျွန်တော် သွားတုန်းစဖူးပါတယ်

ရှင်ကိုးရှင်ဘုရားဘွဲ့တွေ က....

တောင် သုံးဆူ - ရှင်ဆံတော် ၊ ရှင်မော် ၊ ရှင်တောင့်ပုံ

တော သုံးဆူ - ရှင်ဓာတ်ဝဲ ၊ ရှင်ဇလွန် ၊ ရှင်တောက်ထိန်

မြို့ သုံးဆူ - ရှင်ပင်ခရု ၊ ရှင်ဥသြ ၊ ရှင်မုတ္ထီး တို့ ဖြစ်ပါတယ်ဗျ

အဝေးဆုံး ဘုရားက ရှင်မော် ဖြစ်ပြီး ထားဝယ်က နေ ၄၈မိုင် ဝေးပါတယ်

တည်နေရာတွေ က

1. ရှင်ဆံတော်(ေရေး-ထားဝယ်ကားလမ်း ကလိန်အောင်မြို့)

2. ရှင်မော် (ကြက်လွှတ်ရွာ)

3. ရှင်တောင်ပုံ (ထားဝယ်-မြိတ်ကားလမ်း သရက်ချောင်းမြို့)

4. ရှင်ဓာတ်ဝဲ (မောင်မယ်ရှောင်ရွာ)

5. ရှင်ဇလွန် (မြို့ဟောင်းရွာ)

6. ရှင်တောက်ထိန် (ကမြောကင်းရွာ)

7. ရှင်ပင်ခရု (ကရင်ပြင်ရပ်ကွက်)

8. ရှင်ဥသြ (ပိန္နဲတောရပ်ကွက်

9. ရှင်မုတ္ထီး (ရှင်မုတ္ထီးရွာ) တို့ ဖြစ်ကြပါတယ်...ဘုရားသမိုင်းတွေ တော့ သွားဖူးရင် စာအုပ်ရှိပါတယ်...ဝယ်ဖတ်ပီးလေ့လာပေးပါ

ဘုရားတွေပတ်ဖူးတာကတော့ အသေးစိတ်မရေးတော့ဖူးကိုယ်တိုင်သွားရောက်ဖူးစေချင်လို့

ထားဝယ်မှာ လျောင်းတော်မူ ဘုရားကြီးလဲရှိသေးတယ် လောကသရဖူလျောင်းတော်မူဘုရားပါ

ရှင်ကိုးရှင်ဘုရားတွေဖူးရင်း အခြားဘယ်နေရာတွေ လည်မလည်းဆိုတော့ ကမ်းခြေတွေ ပါ... အရမ်းလှတဲ့ ကမ်းခြေတွေ ဟာ ထားဝယ်မြို့ မှာတည်ရှိပါတယ်.....ထိုကမ်းခြေတွေ ကတော့ မောင်းမကမ် ကမ်းခြေ ၊ မြင်းခွာအော် ၊ မျှော်ရစ်ကမ်းခြေ ၊ ဖိုးဖိုးကျောက် ကမ်းခြေတို့ဖြစ်ပါတယါ ကျွန်တော်သွားတုန်းကတော့ ဖိုးဖိုးကျောက်ကိုမရောက်ခဲ့ပါ ဘူး လမ်းပြင်နေတုန်းမို့ သွားဖို့ အဆင်မပြေခဲ့လို့ ပါ။ကမ်းခြေတွေ က ဘယ်လောက်လှလည်း ရောက်ရင် ရင်သက်ရှုမောပါပဲ ကိုယ်တိုင်သွားရောက်နိုင်ပါစေ

ထားဝယ်ပြန်လက်ဆောင် အတွက်ဆိုရင်...

နာမည်ကြီး ငါးမုန့် ၊ မုန့်ကလားမဲ ငါးခြောက် စိမ်းစားငပိ တွေရှိပါတယ် ငါးမုန့်ကတော့ (အောင်ပင်လယ်က ငါးမုန့်ညွှန်းမယ် မုန့်ကလားမဲလဲ အဲ့ကနေဝယ်နိုင်ပါတယ်) နောက်ပီး ထားဝယ်မြို့ရောက်ရင် မလုပ်မဖြစ်လုပ်ရမယ့် အရာတစ်ခု က ဒေသ အစားအစာတွေ ဖြစ်ပါတယ်...ထားဝယ်လက်သုပ်...အာပုံ...သာခွေယိုင်...ငှက်ပျော်ပေါင်း...မောင်းမကမ်ကမ်းခြေရောက်ရင် မှာ ရှပ်ခရုခြောက်ကင်...အများကြီးပဲ ရောက်ရင်တာရှာစားပေတော့ အစားတလိုင်းလေးတွေရှိရင်....

ထားဝယ်ဒေသ ရဲ့ ဗဟုသုတ အဖြစ်က အခေါ်အဝေါ်တွေပါ... ကျွန်တော်တို့ ခေါ်တဲ့ သဘောၤသီး က ထားဝယ်မှာ ရှိန်းဂိုလ်သီး တဲ့ဗျာ...ဖရဲသီး ဆို စီခွားသီး၊ငရုတ်သီး ဆို ဂျုသီး အဲ့လိုလေးတွေ ရှိတယ် ထားဝယ်သူ ထားဝယ်သား ကျတော့ ကော်သား၊ဝယ်သား(ကျွန်တော် ကတော့ ဝယ်သူ ဝယ်သားလို့ခေါ်တယ်)... ထားဝယ်မြို့ ရဲ့ ဝယ်သူဝယ်သားတို့ အသံဝဲဝဲလေးတွေနဲ့ပြောရင် ဘာမှကို နားမလည်ပေမယ့် နားထောင်ကောင်းတယ်ဗျ...သူတို့အချင်းချင်းပြောရင် လိုက်နားထောင်ကြည့် မြိတ်နဲ့ထားဝယ် နဲ့ တူသလိုလိုနဲ့ သိပ်မတူဘူးထင်တယ် ဟုတ်လားမသေးရဲ့(ဝယ်သံနဲ့)...ဝယ်သူဝယ်သားတွေဖတ်မိရင်ပြောပြကြပါအုန်း...ဟုတ်ဒီလောက်နဲ့ပဲကျေနပ်ပါလို့ ထုံးစမ်အတိုင်း ကိုယ်တိုင်သွားရောက်နိုင်ပီးဒီထက်မက ပိုသိနိုင်ပါစေ...ရှင်ကိုးရှင်ဘုရားကိုလည်းဖူးနိုင်ပါစေနော်....ထားဝယ် အကြောင်းလေးအသေးစိပ်ပဲ အဆုံးသတ်ပါရစေဗျ....ကျေးဇူးတင်တယ်....အားလုံး ခရီးတွေသွားပြီး ဘဝအမောတွေပြေပါစေ....

ထားဝယ်က အပြန်တော့ လမ်းမှာ ဘုရားတွေထပ်ဖူးချင်လည်းရတယ် မော်လမြိုင်မြို့ က ဘုရားတွေ ကျိုက်ထိုက ဘုရားတွေ ရှိတယ်နော် မုဒုံ ဝင်းစိန်တောရ...လမ်းမှာ ဝင်ဖူးကြပါ... ဖားအံဖက်ထပ်သွားချင်လည်းရတယ် အဆင်ပြေသလိုပေါ့...ထားဝယ်ကနေ ခြေဖျားထိ ထက်သွားမယ်ဆိုရင်တော့ မြိတ်(ဘိတ်) ကော့သောင်း ဖက်ထပ်သွားနိုင်ပါတယ်

မြိတ် ထိ ကို ၂၅၉.၆ ကီလိုမီတာ (၁၆၁မိုင်) ဝေးပြီးအချိန် ၆:၀၀ လောက်ကြာပါမယ်...ကော့သောင်းထိ ဆိုရင်တော့ ၆၆၅.၄ကီလိုမီတာ (၄၁၃မိုင်) ဝေးပြီး ထားဝယ်က နေ ညထွက်ရင် မနက်မှရောက်ပါတယ်တဲ့...၁၃ နာရီလောက်ကြာပါတယ်..မရောက်ဖူးသေးဘူး သွားချင်းတယ် မြိတ်ကျွန်းစုတွေဖက်ကို... ကော့သောင်း ဝိတိုရီယ အငူ ထိ တိုင်....မြိတ်ကျွန်းစုတွေ ရဲ့ ရေအောက်ကမ္ဘာအလှကို တနေ့တော့ သွားရောက်ခံစားချင်ပါတယ်...သွားရင်တော့ လေယာဉ်ပျံကြီးနဲ့သွားမယ်....ဟုတ်ကဲ့ပါ ကျွန်တော် မရေးဖြစ်တဲ့ ထားဝယ်အကြောင်းလေး တင်ပေးလိုက်ပါတယ် အားလုံးဖတ်ရှူပြီးကျေနပ်ကြမယ်လို့ မျှော်လင့်ပါတယ်...ခရီးသွားအကြောင်းလေးတွေ သွားခဲ့ဖူးတဲ့နေရာလေးတွေ သိသလောက်လေး ရေးတင်ပေးမယ့်Like လေးနည်းနေသေးတယ် Share လုပ်ပေးကြပါအုန်းနော်

#WhateverIWrite #Travel #Dawei

အာရုံစူးစိုက်မှုအားကောင်းဖို့ ... စိတ်တည်ငြိမ်ဖို့... စိတ်ကိုဘယ်နည်းနဲ့ထိန်းချုပ်မလဲ.?

 

အာရုံစူးစိုက်မှုအားကောင်းဖို့ ... စိတ်တည်ငြိမ်ဖို့ ... စိတ်ကိုဘယ်နည်းနဲ့ထိန်းချုပ်မလဲ.?

ကျွန်တော်တို့ရဲ့စိတ်တွေက စက္ကန့်လေးအတွင်းတောင် ပျံ့လွင့်မှုက အလွန်ပင်လျှင်မြန်လွန်းလှပါတယ် ... စိတ်တည်ငြိမ်ဖို့အာရုံစူးစိုက်မှုကောင်းဖို့အတွက်ဆို ဘယ်လိုနည်းလမ်းနဲ့ကျွန်တော်တို့ရဲ့စိတ်ကို ထိန်းချုပ်နိုင်မလဲ ...
စိတ်ကို ထိန်းချုပ်ဖို့တည်ငြိမ်စေဖို့အကောာင်းဆုံးနည်းလမ်းကတော့ တရားထိုင်ခြင်းပဲဖြစ်ပါတယ် ...
တရားထိုင်ခြင်းကြောင့် စိတ်တည်ငြိမ်အေးချမ်းလာမယ် ဆုံးဖြတ်ရမယ့်ကိစ္စကြီးငယ်ကို မှန်ကန်စွာဆုံးဖြတ်လာနိုင်မယ် သတိမြဲလာမယ် စိတ်ဖိစီးမှုတွေလျော့ကျလာမယ်
စိုးရိမ်ကြောင့်ကြစိတ်တွေနည်းလာမယ် မကောင်းတဲ့အကုသိုလ်အတွေးတွေ လျော့နည်းလာမယ် (လောဘ၊ဒေါသ၊မောဟ စသည်)
သွေးလည်ပတ်မှုကောင်းလာမယ်
ခန္ဓာကိုယ်လှုပ်ရှားမှုက ပေါ့ပါးလာမယ်
စသည်ဖြင့် တရားထိုင်ခြင်းကြောင့် စိတ်ကိုတည်ငြိမ်အောင်ထိန်းချုပ်နိုင်လာမယ်
တရားထိုင်ခြင်းကြောင့် ကုသိုလ်တွေတိုးလာပြီး အရာရာအဆင်ပြေလာမယ်
နောက်ဆုံး တရားရှုမှတ်ခြင်းကြောင့် ဉာဏ်စဉ်တွေတက်လာပြီး ... တစ်ဖြည်းဖြည်းနဲ့
တရားရပြီး နောင်ဘဝအထိပါ အကျိုးခံစားစေမှာပါ ဒါကတော့တရားသဘောမို့ တရားစခန်းတွေမှာ တရားထိုင်ဖူးတဲ့လူတွေ သိပါလိမ့်မယ် ...
 

တရားထိုင်တာ ဘယ်လို ထိုင်ရမလဲ

တရားထိုင်တယ်ဆိုတာက တကယ်တော့ စိတ်ကို အမှတ်တခုနဲ့ထိန်းချုပ်ခြင်းပဲဖြစ်ပါတယ်
တရားမှတ်တယ်လို့ဆိုပါတယ် ဝင်လေ ထွက်လေ ကို စိတ် က နေ ကြည့်ပြီး မှတ်မလား
ဒါမှမဟုတ် ဝမ်းဗိုက်ကနေ လေရှုသွင်းခြင်းကနေ လှုပ်ရှားမှုဖြစ်တဲ့ ဖောင်းခြင်း ပိန်ခြင်းကို မှတ်မလား ကိုယ် အဆင်ပြေသလို အမှတ်ကို မှတ်နိုင်ပါတယ် ... ခန္ဓာက ဝေဒနာ တစ်ခုခုပေါ်တိုင်းလည်း ထိုဝေဒနာကို အမြဲမှတ်နေရပါမယ် ...
ထိုင်တဲ့ပုံစံကတော့ တပလ္လင်ခွေထိုင်ပြီး ဘယ်ဖက်လက်ဖဝါးပေါ် ညာဖက်လက်ဖဝါးကိုတင်ပြီး လက်မနှစ်ခုကို ထိထားရပါမယ် ... နောက်တစ်နည်းက ဒူးပေါ်ကို လက်တင်ပြီးလည်း ထိုင်နိုင်ပါတယ်
"တရားရှာ ကိုယ်မှာတွေ့ တဲ့ "တကယ်တော့ တရားထိုင်ခြင်းဆိုတာ ဟာ စိတ် ကို ထိန်းချုပ်ဖို့အတွက်ပဲ မဟုတ်ပဲကောင်းကျိုးများစွာ ရနိုင်ပါတယ် ... စစခြင်း ၅မိနစ်လောက်စထိုင် တနေ့ကို ၅မိနစ်စီတိုးပြီး ၁ နာရီလောက်ထိုင်နိုင်လာမယ် တချို့ဆို နာရီနဲ့ချီပြီး တရားမှတ်နိုင်ပါတယ် ... ဒါကတော့ ကိုယ့်အပေါ်မှာပဲမူတည်ပါတယ် ... ၅မိနစ်လောက် တရားထိုင်ပြီးရင်ကို စိတ်ကြည်လင်ခြင်းကို သိမြင်လာပါလိမ့်မယ် ... စိတ်တည်ငြိမ်ဖို့ အာရုံစူးစိုက်မှုကောင်းစေဖို့ စိတ်ကို ထိန်းချုပ်နိုင်ဖို့အတွက် အကောင်းဆုံးနည်းလမ်းကတော့ တရားထိုင်ခြင်းဖြစ်ပါတယ် ...
ထိုင်ကြည့်ပါ ရှုမှတ်ကြည့်ပါ ... တည်ငြိမ်အေးချမ်းမှုကို ရရှိလာပါလိမ့်မယ်
ဒေါသ မောဟ လောဘ တွေ အကုသိုလ်စိတ်တွေ ပါ လျော့နည်းလာပြီး နေ့စဉ်ဘ၀ မှာ ကောင်းခြင်းများကိုရရှိလာပါလိမ့်မယ် ... တရားထိုင်ခြင်းကို သတိပဌာန်တရား အားထုတ်ခြင်း လို့ မှတ်ယူနိုင်ပါတယ် ...
အားလုံးတရားထိုင်ခြင်းဖြင့်စိတ်ချမ်းမြေ့မှုကို ရရှိနိုင်ပါစေ
သတိတိုးပြီး အသိတိုးပြီး ကောင်းမွန်စွာ မိမိခန္ဓာကိုယ်ကို မွေးမြူနိုင်ပါစေ
အားလုံးကျန်းမာရွှင်လန်းပါစေ
#WhateverIWrite #Lifestyle #Meditation

'အညာဇီးယိုပါ😬 ကိုရီးယားထမင်းသုပ်လေး Review မယ်နော်'

 

'အညာဇီးယိုပါ ကိုရီးယားထမင်းသုပ်လေး Review မယ်နော်'

 

 

         ကိုရီးယားကားတွေ ကြည့်တယ်ဆို ရင် ကိုရီးယားထမင်းသုပ်ကို သိမှာပါ။ကျွန်တော်ပြောချင်တာက အဲ့ ကိုရီးယားထမင်းသုပ် ကောင်းတဲ့ ဆိုင်လေးပါ။ထမင်းသုပ်ကို မျိုးစုံရပါတယ်။တကယ်လည်း အရမ်းစားလို့ကောင်းတဲ့ ဆိုင်ပါ။ထမင်းသုပ်တပွဲ ဆို မနည်းကုန်အောင်စားရပါတယ်။ထမင်းသုပ်ကို မှ ကြက်သား၊ဝက်သား၊ပုဇွန်၊ပြည်ကြီးငါး၊အမဲသား၊ရိုးရိုးထမင်းသုပ်တွေ ရပါတယ်။ဆိုင်က မီနျူးလေး ပုံမရိုက်မိလို့ အမျိုးအမည် သေချာ မပြောနိုင်ဘူးဗျာ ဆိုင်သာ သွားပြီး မီနျူးကြည့်ပြီး ကိုယ်ကြိုက်တာသာ မှာ စားတော့ဗျို ့။ဆိုင်မှာ ထမင်းသုပ်တင်မဟုတ်သေးဘူး တော့ပုကီ ရယ် Fish Cake ရယ် ရေညှိထမင်းလိပ်တွေ ရတယ်နော်။Fish Cake လေးလည်း စားကောင်းတယ် အိအိလေး နူးညံတယ်။တစ်ချောင်းကို ၁၀၀၀ ပါ။တော့ပုကီ ကတော့ တပွဲ ၂၀၀၀ပါ။ကဲ ထမင်းသုပ် အကြောင်းလေး ဆက်ပြောပြမယ်။ထမင်းသုပ်ကို ပုံမှာ မြင်ရတဲ့ အတိုင်းဗန်း နဲ့ လာတာပါ ကျောက်မြေအိုးအပူ နဲ့ ရောက်လာပါလိမ့်မယ် ရောက်ရောက်ချင်း မမွှေရင်တော့ ထမင်းတွေ ဂျိုးကပ်ကုန်ပါလိမ့်မယ်။ကျွန်တော်ဆို လာချချပေးချင်း မမွှေ လိုက်ပဲ ပုံရိုက်လိုက်တာ ထမင်းဂျိုးလေးတွေ ထွက်လာပါတယ်။အချဉ်ရေ ကတော့ ကို ကြိုက်သလောက်ထည့်ပြီး နယ်ရပါတယ် အဲ့ တစ်ချက်လေး ကိုယ်တိုင် အားရပါးရ နယ်ပီး စားရတဲ့ အရသာလေး က အရမ်းမိုက်တယ်ဗျာ။ကိုရီးယားကားတွေ ထဲ ကလို အားရပါရ ပဲ စားဖြစ်ခဲ့ပါတယ်။တကယ်စားရတဲ့ အရသာ အရမ်းကောင်းတယ်ဗျာ။တပွဲ ကို တကယ် ၂ယောက် လောက်စားလို့ဝပါတယ်။

တယောက်တည်းဆို မနည်းစားယူရတယ်ဗျာ ဒါကတော့ ချိန် လို့ရအောင်ပြောပြတာပါ။တပွဲ ကို ၈၀၀၀ ပျမ်းမျှပါ။ကင်ချီ က ကုန်ရင်တောင်းလို့ရပါတယ်။ရေညှိ ဟင်းချိုလည်း ကုန်ရင် ထပ်တောင်းလို့ရပါတယ်။ကဲ ကိုရီးယားထမင်းသုပ် ကောင်းကောင်စား ချင်တယ်ဆိုရင်တော့ မြန်မာပလာဇာ က K-BibimBap (SORABOL) ဆိုတဲ့ ဆိုင်မှာ စမ်းစားကြည့်ပါခင်ဗျာ။စားပီးလို့ထပ်စားချင်မိသွားရင် ကျွန်တော့် Review လေး ကို Share ပေးဖို့ မမေ့နဲ့နော်။

#WhateverIWrite #Food #KoreanRiceSalad

ကယားပြည်နယ် မြို့တော် လွိုင်ကော်သို့ ...

ကယားပြည်နယ် မြို့တော် လွိုင်ကော်သို့ ... (Unicode)

လွိုင်ကော် ကို အလည်သွားကြမယ်ဗျာ ... ကယားပြည်နယ် ရဲ့ မြို့တော် လွိုင်ကော် ကို တိုက်ရိုက်သွားလို့ရသလို တောင်ကြီးကနေ တစ်ဆင့် ရှမ်းကယား နယ်စပ်ကို ဖြတ်ပြီး သွားလို့ရပါတယ် ... တောင်ကြီးကနေကားနဲ့ဆို ၂:၀၀လောက် ပဲကြာပါတယ် ... ကယားပြည်နယ်ကို ငွေတောင်ပြည်လို့လည်းတင်စားခေါ်ဝေါ်ပါသေးတယ် ... ပင်းတယ ပုန်းတလုတ် ကန် မှာ ရေဆင်းကူးတဲ့နတ်သမီး ခုနှစ်ဖော်က ငွေတောင်ပြည်ကလို့ဆိုကြပါတယ် ... ဒီတော့ ငွေတောင်ပြည်ဆိုတာ ကယားပြည်နယ်လို့လေ့လာမိသလောက် ပြောပြတာပါဗျ...ကယားသူလေးတွေ လည်းချောတယ်နော် ... မြို့တော် လွိုင်ကော်နဲ့ ကယားပြည်နယ် မှာ ဘာတွေ ရှိမလည်း ဘာနေရာတွေ လည်ကြမလည်းဆိုတော့ကာ...

ငွေတောင်ပြည်လို့တင်စားကယားပြည်နယ်မြို့တော်လွိုင်ကော်🏔

လွိုင်ကော်မြို့မှာ ဘယ်နေရာတွေလည်ကြမလည်း🤔

တောင်ကွဲစေတီ⛰⛰

အရင်ဆုံးကယားပြည်နယ်ရဲ့နာမည်ကျော် တောင်ကွဲစေတီ ... ကို သွားပါမယ် ... တောင်ကွဲစေတီဆိုတာ ကျောက်တောင်နှစ်ခု ကွဲနေတဲ့ပေါ်မှာ စေတီတည်ထားတာပါဗျ ... တောင်ကွဲစေတီပေါ်က နေ ရှုမဆုံးနိုင်အောင်လှတဲ့ လွိုင်ကော်မြို့ရဲ့အလှ ကို ရှုစားမှင်သက်နိုင်ပါတယ်ဗျ ... တောင်ကွဲစေတီမှာ အလေ့တစ်ခုရှိပါတယ် ... ချစ်သူရည်းစားတွေ တူတူတက်ရင် ကွဲတတ်တယ်လို့ဆိုစမှတ်ပြုကြပါတယ်😱 ဒါကတော့ ယုံကြည်မှုတစ်ခုလိုပါပဲဗျာ...☺️

ထီးပွင့်ကန်🏖

သူလည်းကယားပြည်နယ်ရဲ့နာမည်ကျော်ပါပဲ
ကန် ရေပြင်ကနေ ထီးပွင့်လေးလို ကြာရွက်ပုံစံလေးတွေ ပေါ်ပေါ်လာတတ်တာပါဗျ...ထီးပွင့်ကံကလည်းကယားပြည်နယ်ရဲ့ နာမည်ကျော် ... landmark တစ်ခုပါပဲဗျ ...

အကြီးဆုံးရေတံခွန်ထဲမှာပါတဲ့ ....ရှမ်းကယားနယ်စပ်က ထီးစဲခါးရေတံခွန်🌊⛰
မရောက်ရောက်အောင်သွားသင့်တဲ့နေရာတစ်ခုပါ မြန်မာနိုင်ငံရဲ့အကြီးဆုံးရေတံခွန်တွေ ထဲ က တစ်ခုအပါအဝင်ဖြစ်တဲ့ ထီးစဲခါးရေတံခွန်ပါ...အရမ်းသာယာလှပတဲ့နေရာတစ်ခုပါ....ကျွန်တော်ပြောပြတာထပ် ကိုယ်တိုင်သွားရောက်ပြီးသဘာဝရဲ့အလှတရားတစ်ခုကို ကိုယ်တိုင်ခံစားကြည့်စေချင်ပါတယ်ဗျာ....😉

ငွေတောင်ဆည်📍🌊

ငွေတောင်ဆည်ကိုလည်း ရောက်အောင်သွားပီး photo လေးဘာလေး အမှတ်တရရိုက်ကြမယ်...ဆည်ကန်ရေပြင်ကြီးနောက်ခံထားပီးတော့ selfie လေးဆွဲ😁...

ကယားပြည်နယ်ရဲ့ အခြားအထင်ကရနေရာများနဲ့သွားလည်လေ့လာသင့်တာတွေ ကတော့...

ကယားပြည်နယ်မှာ မြန်မာတိုင်းရင်းသားတွေထဲ က လူမျိုးတစ်မျိုးဖြစ်တဲ့ ပဒေါင်လူမျိုးတွေ နေထိုင်တဲ့ ပဒေါင်ရွာတွေကို သွားရောက်လေ့လာလို့ရပါတယ်...ပဒေါင်လူမျိုးဆိုတာ လည်ပင်းတွေ လက်တွေ
မှာကြေးကွင်းတွေ စွတ်ထားတဲ့လူမျိုးဖြစ်ပါတယ်...ပဒေါင်တွေ ရဲ့ နေထိုင်မှု ဓလေ့တွေ ကို လေ့လာဖို့
ကိုယ်နိုင်ငံလူမျိုးစုရဲ့ယဉ်ကျေးမှု ဓလေ့တွေ ကို လေ့လာနိုင်ဖို့ ကယားပြည်နယ်ရောက်ရင်တော့ ပဒေါင်ရွာတွေ ကို လည်ဖို့မမေ့နဲ့နော်....ကယားပြည်နယ်ရောက်ရင် ကယားခေါင်ရည်လေးသောက်ဖို့လည်းလိုမယ်နော်...ခေါင်ရည်လေးနဲ့ နာမည်ကျော်ကယားဝက်ဥချောင်းကြော်လေးရယ်က နတ်သုဒ္ဓါ လိုပါပဲဗျာ😋.....နောက်ကယားပြည်နယ်မှာ မြန်မာနိုင်ငံရဲ့အကြီးဆုံးရေအားလျှပ်စစ်ထုတ်တဲ့စက်ရုံတစ်ခုဖြစ်တဲ့ ဘီးလူးချောင်းရေအားလျှပ်စစ်စက်ရုံရှိတယ်နော်...ဒါကတော့ ဗဟုသုတအနေနဲ့ပြောပြတာပါဗျ😁.....ကယားပြည်နယ်အကြောင်းလေးကိုတော့ အတိုချုံးလေးပဲ ရေးသားတင်ဆက်ပါရစေဗျာ...ကျွန်တော်သွားလည်ဖြစ်တာ က တောင်ကြီးကနေ နေ့ချင်းပြန်သွားလည်တာဆိုတော့ ... ဒီလောက်နဲ့ပဲကျေနပ်ပေးကြပါ...ကိုယ်တိုင်သွားရောက်လည်ပတ်ဖို့ကိုတော့ တိုက်တွန်းပါရစေနော်...👌☺️
ငွေတောင်ပြည်လို့တင်စား ကယားပြည်နယ်မြို ့တော်လွိုင်ကော် အကြောင်းလေးဖတ်ပြီးကိုယ်တိုင်သွားရောက်လည်ပတ်နိုင်ပါစေလို့ဆုတောင်းပေးပါတယ်ဗျ...

အားလုံးကျန်းမာရွှင်လန်းပါစေဗျ
#WhateverIWrite #Travel #Loikaw

ရေအသက် တစ်မနက် ... 💧

ရေအသက် တစ်မနက် ... 💧 (Unicode)

နေ့စဉ်ရေသောက်သုံးခြင်းသည် လူသားတစ်ဦး၏ ခန္ဓာကိုယ် နှင့်ပတ်သက်သည့် လုပ်ဆောင်မှုများအတွက် လိုအပ်သည်။ USDA က နေ့စဉ် သောက်သုံးသည့်ရေအားလုံးတွင် သောက်သုံးလိုက်သည့် ရေသာမက အချိုရည်များနှင့် အစားအစာများမှ ရရှိသည့် ရေများလည်း ပါဝင်သည်ဟု ဆိုသည်။ သောက်သုံးရန် ထောက်ခံချက်ပေးထားသည့် ရေပမာဏသည် အရွယ်ရောက်ပြီး အမျိုးသမီးတစ်ဦးအတွက် တစ်နေ့လျှင် ၃.၇ လီတာ (ခန့်မှန်းခြေ ၁ ဂါလံ) ဖြစ်သည်။ အရွယ်ရောက်ပြီး အမျိုးသားတစ်ဦးအတွက် ၂.၇ လီတာ (ခန့်မှန်းခြေ ဝ.၇၅ ဂါလံ) ဖြစ်သည်။ အခြားသော ဖော်ပြချက်များတွင်မူ သန့်ရှင်းလတ်ဆတ်သည့် ရေပမာဏကို မြင့်မားစွာသောက်သုံးခြင်းသည် ကျန်းမာရေးကောင်းမွန်မှုအတွက် လိုအပ်သည်ဟု အခိုင်အမာ ပြောဆိုထားသည်။ အာဟာရပညာရှင်များကမူ တစ်နေ့လျှင် ၁.၈ လီတာ (ဝ.၅ ဂါလံ) သောက်သုံးသင့်သည်ဟု ထောက်ခံပြောကြားထားသည်။ သို့သော်လည်း ဤထောက်ခံပြောကြားမှုအတွက် သိပ္ပံနည်းကျ သက်သေအထောက်များ မရှိပေ။

ရေသောက်ခြင်းကြောင့် ရရှိမယ့် အကျိုးကျေးဇူး ၇ ချက်

၁. ခန္ဓာကိုယ်လှုပ်ရှားမှု ကို အများဆုံး အထောက်အကူပြုပါတယ်

ရေဓာတ်လျော့နည်းနေမယ်ဆို ကျွန်တော်တို့ရဲ့ခန္ဓာကိုယ် လှုပ်ရှားမှု က
နှေးကွေးသွားမှာ ပါ... လိုအပ်တဲ့ရေဓာတ်ပမာဏပြည့်ဝဖို့လိုအပ်ပါတယ်

၂. ခန္ဓာကိုယ် စွမ်းအင် နဲ့ဦးနှောက်ရဲ့လုပ်ဆောင်ချက်များကို အထောက်အကူပြုပါတယ်

ရေဓာတ်က ဦးနှောက်ရဲ့လုပ်ဆောင်ချက်များကို လွှမ်းမိုးထားပါတယ်တဲ့... ရေသောက်ခြင်းဖြင့်
ဦးနှောက်ကို အထောက်အကူပြုနိုင်ပါတယ်နော်...

၃. ခေါင်းကိုက်ခြင်း ကို တားဆီးပေးပါတယ်

ရေသောက်ခြင်းက ခေါင်းတစ်ခြမ်းကိုက်ခြင်း ၊ ခေါင်းကိုက်ခြင်းများကို
တာဆီးပေးတဲ့အပြင် .. ထိုသို့ခံစားနေရပါက ရေသောက်မယ်ဆို
သက်သာစေပါတယ်တဲ့...

၄. ဝမ်းချုပ်ခြင်းကို အထောက်အကူပြုပါတယ်

ရေသောက်ခြင်းကြောင့် ဝမ်းချုပ်ခြင်း ကို အထောက်အကူပြုတဲ့အပြင်
အစာအိမ်နဲ့အူလမ်းကြောင်းကို ပါ သန့်စင်စေပါတယ် ...
မနက်စောစော အိပ်ရာနိူးတာနဲ့ရေတစ်ခွက်ကို သောက်သုံးပေးမယ်ဆို
ကျန်းမာရေးအတွက် အထောက်အကူပြုပါတယ်နော်

၅. ကျောက်ကပ် ကျောက်တည်ခြင်းကို တားဆီးပေးပါတယ်

ရေများများသောက်လေ ကျောက်ကပ်အတွင်း ကျောက်တည်ခြင်းကို
တားဆီးပေးနိုင်လေလေပါတဲ့...

၆. အမူးလွန်ခြင်းကို သက်သာစေပါတယ်

မူးလာပြီဆို ရေဓာတ်ဖြည့်သွင်းပါ... ရေသောက်ခြင်း ဖြင့်
အမူးလွန်ခြင်းကို သက်သာစေပါတယ်

၇. ကိုယ်အလေးချိန်လျော့ကျစေပါတယ်

ဝိတ်ကျစေခြင်လား ရေအများကြီးသောက်ပါ
ရေသောက်လို့အစားအစာ စားခြင်းကို လျော့စေတယ်
ရေသောက်ခြင်းကြောင့် အစာချေဖျက်ခြင်းကို တိုးမြင့်စေပါတယ်...

ရေအကျိုး ၁၀ ပါးကတော့ ရေလှူရင်ရတာပါနော်...
ရေသောက်ရင် ရရှိမယ့် အကျိုး ၇ချက်က တော့ အထက်ပါအတိုင်းဖြစ်ပါတယ်...
စာဖတ်သူတို့ရော တနေ့ရေပမာဏ ဘယ်လောက်သောက်ဖြစ်ပါသလဲ ?
ရေသောက်ဖို့ရော မေ့လျော့နေတက်ပါသလား ? ပြန်ပြောပြပါနော်...

ရေသောက်ခြင်းဖြင့် သက်ရှည် ကျန်းမာပါစေ နော်

အားလုံးပဲ ကျန်းမာရွှင်လန်းပါစေ
#WhateverIWrite @wiw.mm #Lifestyle #DrinkingWater

 

မာလာရှမ်းကော ကြိုက်တဲ့ သူများအတွက် ...

မာလာရှမ်းကော ကြိုက်တဲ့ သူများအတွက် ... (Unicode)

မာလာရှမ်းကော (Mala Xiang Guo)

Mala Xiang Guo ဆိုတာ Spicy Stir-Fry Hot Pot ပါတဲ့ဗျာ ... ဟော့ပေါ့ အစပ်မွှေကြော် အဲ့လိုပြန်ရမလား🙄

ဘယ်လိုပဲဖြစ်ဖြစ်ပါနော် အခုဆို မာလာရှမ်းကော က လူတိုင်း လိုလို ကြိုက်နှစ်သက်ကြတဲ့အစားစာ တစ်ခုဖြစ်နေပါပြီ ...
 
မာလာရှမ်းကောမှာ အရွက်တွေ အသားတွေ ဟာ အဓိက ပါဝင်ခြင်းဖြစ်ပြီး မာလာ အနှစ်မှာ အရသာ ကွာခြားသွားကြပါတယ် ... 🤤

ရန်ကုန်မြို့ရဲ့ မာလာရှမ်းကော ၁၀ ဆိုင်

- The Spicy House
- Chili Pot
- Organic Spicy
- Mala Wok
- Hello Xiang Guo
- Number One Spicy
- Spicy Pot
- Jo Jo Hot Pot
- Malar City
- Precious Sticky Hotpot & Mala Xian Guo တို့ရှိပါတယ်နော် ... 👌
ကျွန်တော် အမြဲစားဖြစ်တဲ့ဆိုင်က Chili Pot ပါ ... The Spicy House လည်းကောင်းတယ် 👍
စာဖတ်သူတို့ရော ဘယ်ဆိုင်က မာလာရှမ်းကော စားဖူးပြီး ဘယ်ဆိုင်ကို နှစ်သက်ပါသလဲ?
စားကောင်းတဲ့ဆိုင်လေး တွေ ရှိရင်လည်း မန့်သွားပေးပါအုန်း😁
#WhateverIWrite @wiw.mm #Food #MalaXiangGuo

18.7.2020 နေ့ဟာဆိုရင် Whatever I Write Facebook Page လေး တစ်လပြည့်ပါဗျ

18.7.2020 နေ့ဟာဆိုရင် Whatever I Write Facebook Page လေး တစ်လပြည့်ပါဗျ (Unicode)

၁၈.၇.၂၀၂၀ ရက်နေ့ ကျိုက်ထီးရိုး ဘုရားကို
ဖူးမျှော်နိုင်ရန် Page 1 လ ပြည့် အနေနဲ့
တင်ပေးလိုက်ပါတယ်ခင်ဗျာ
 တစ်လ ပြည့်နေ့လေးမှာပဲ ကင်မွန်းစခန်း မှ ရင်ပြင်ပေါ်ထိ
အပင်ပန်းခံ ခြေလျင်တက်ရောက်ထားခြင်းဖြစ်ပါတယ် ...
ခြေလျင်တက် တဲ့အကြောင်း လေးလည်း Page မှာ
Review တင်ပေးသွားပါ့မယ် ခင်ဗျာ
wiw.mm page fan တစ်ယောက်ခြင်းစီတိုင်းကို
အထူးကျေးဇူးတင်ရှိပါတယ်ဗျ 😇

အားလုံးကျန်းမာရွှင်လန်းပါစေ🤫
#WhateverIWrite @wiw.mm #Page1monthfull #KyaikHtiYoePagoda

ကမ္ဘာ့ဒုတိယအကြီးဆုံးရပ်တော်မူ ဘုရားကြီး 🙏 ရှိတဲ့မြို့ (သို့) မြန်မာနိုင်ငံအထက်ပိုင်း မုံရွာမြို့ 👍

ကမ္ဘာ့ဒုတိယအကြီးဆုံးရပ်တော်မူ ဘုရားကြီး 🙏 ရှိတဲ့မြို့ (သို့)
မြန်မာနိုင်ငံအထက်ပိုင်း မုံရွာမြို့ 👍 (Unicode)

ယခုလို ခရီးတွေ သွားဖို့ သိပ်အဆင်မပြေသေးတဲ့ကာလမှာ မြန်မာနိုင်ငံအထက်ပိုင်း စစ်ကိုင်းတိုင်းဒေသကြီးမုံရွာမြို့ က အထင်ကရဘုရားတွေဖူးကြမယ်ဗျာ ...
မုံရွာမြို့ က ဘုရားဖူး ခရီးအဖြစ်သွားသင့်တဲ့ မြို့ပါ ... ဘယ် ဘုရားတွေကို သွားဖူးရမလည်း ဆိုရင် ...

ကမ္ဘာ့ဒုတိယ အကြီးဆုံးရပ်တော်မူ ဘုရားကြီး (သို့) လေးကျွန်းစင်္ကြာ ရပ်တော်မူ ဗုဒ္ဓရုပ်ပွားတော်ဘုရား 🙏

အမြင့်ပေ ၁၃၀ မီတာရှိတဲ့ မြန်မာနိုင်ငံ ရဲ့ အကြီးဆုံးရပ်တော်မူ ရုပ်ပွားတော် ဖြစ်ပါတယ် ... ဘုရား အတွင်းထဲ မှာ အထပ်ပေါင်း ၃၁ထပ် (၃၁ ဘုံကို ရည်ညွှန်းပြီး ထည့်သွင်းတည်ထားတာဖြစ်ပါတယ် ... တစ်ထပ်ခြင်းဆီမှာ တစ်ဘုံ ခြင်းဆီ ကို ရှင်းပြထားတဲ့ ရုပ်ပြ ပန်းချီခန်းတွေ ထည့်သွင်း တည်ထားတာ ဖြစ်ပါတယ် ... အတွင်းလှေကားနဲ့တက်ရတာဖြစ်ပါတယ် ဓာတ်လှေကားရှိပေမယ့် လှေကားနဲ့တက်ခြင်းအားဖြင့် အမြင့်ဆုံးဘုံကိုရောက်ဖို့ ဘယ်လောက်ခက်ခဲသလည်းဆိုတဲ့ တရားရနိုင်ပါတယ် (တော်တော် တက်ယူရတယ်ဗျ😔) ... အမြင့်ဆုံးက တော့ နိဗ္ဗာန်ပါဗျာ (တရားကြောင်းတွေပါလာပြီ) ရပ်တော်မူဘုရားကြီးပြီးရင် ထပ်မံတည်ထားတဲ့ လျောင်းတော်မူ ဘုရား က တော့ ၉၀ မီတာရှိပါတယ်ဗျ ...

ဗောဓိတစ်ထောင်စေတီ 😇

လေးကျွန်းစင်္ကြာ ဘုရား အရှေ့ဘက်မှာ တည်ရှိပါတယ်
ဗောဓိတစ်ထောင် စေတီ နဲ့ ဘုရားအဆူပေါင်းတစ်ထောင် ၁၀၀၀ ကိန်းဝပ်စံပယ်တဲ့နေရာပါ ... ဗောဓိတစ်ထောင် စိမ်းလန်းရေနယ်မြေဆိုတာလည်း မြန်မာနိုင်ငံအလယ်ပိုင်း ရဲ့ မြို့တစ်မြို့ဖြစ်တဲ့ မုံရွာမြို့ရဲ့ စိမ်းလန်းစိုပြေရေးနယ်မြေတစ်ခုဖြစ်ပါတယ် ...

မိုးညှင်းသဗ္မုဒ္ဓေ ဘုရား 🙏

မုံရွာမြို့ရဲ့ တန်းခိုးကြီးဘုရားတစ်ဆူဖြစ်တဲ့ မိုးညှင်းသဗ္မုဒ္ဓေ ဘုရားကို လည်း သွားရောက်ဖူးမျှော်ကြည်ညှိုကြမယ်ဗျာ ... ဘုရားအတွင်းမှာ ဗုဒ္ဓရုပ်ပွားတော်မြတ်တွေ ထည့်သွင်း တည်ထားပြီး အနုစိတ်လွန်းလှတဲ့လက်ရာတွေနဲ့မိုးညှင်းဆရာတော်ကြီး မှ တည်ထားခဲ့ပါသတဲ့ ... ဘုရားရုပ်ပွားတော်ပေါင်း ၅၈၂၃၆၃ ဆူ ( 'မြရွှေငွေစိန်သီးဆောင်း ရုပ်ပွားပေါင်း' ဟု စာချိုး၏ )ကို နံရံ များတွင်ဖူးမျှော်နိုင်သည် ... 😊

ရွှေဂူနီ ဆုတောင်းပြည့်ဘုရား 🙏

မုံရွာမြို့ ကျောက္ကာဘက်မှာတည်ရှိပါတယ် ...
ဆုတောင်းပြည့်တန်းခိုးကြီးဘုရားတစ်ဆူဖြစ်ပါတယ် ... မုံရွာရောက်ရင်တော့ ရောက်အောင်သွားပြီး ဖူးမျှော်ကြပါဗျ ... ကျောက္ကာ ဖက်သွားတဲ့ လမ်းက လှပါတယ်လို့ ဘာကြောင့်ဆို တမာပင်တန်း လမ်းကြောင့်ပါ😍

နောက်ထပ်မုံရွာမြို့ ကနေ ဘယ်နေရာတွေသွားလို့ရသေးလည်း 🙄

မုံရွာမြို့ မှာ ဆို ချင်းတွင်း မြစ်ကမ်း ၊ ကန်သာယာ ကို သွားနိုင်ပါတယ် ။ အခြားနေရာတွေသိရင်လည်း မန့်ပေးပါအုန်း ။

နောက် အလောင်းတော်ကဿပဘုရား ၊ ရွှေစက်တော် ဘုရား(မကွေး) ၊ စစ်ကိုင်းတောင် ၊ ချင်းပြည်နယ် ဘက်တွေသွားရောက်လည်ပတ်ဘုရားဖူးနိုင်ပါသေးတယ်👌

မုံရွာလက်ဆောင် သနပ်ခါးဝယ်ဖို့လည်းမမေ့နဲ့နော် ၊
ရွှေဂူနီဘုရား မှာ ဘုရားဖူးပြီး လက်ဆောင်တွေဝယ်လို့ရပါတယ်ဗျ ။

ဟုတ်ကဲ့ပါ ဒါကတော့ မုံရွာကို ကျွန်တော်ရောက်ခဲ့တုန်းက သွားခဲ့တဲ့နေရာလေးတွေ ပြန်မျှဝေပေးတာပါ မုံရွာမြို့ကို စာဖတ်သူတို့လည်း သွားရောက်လည်ပတ်ပြီး ဘုရားဖူးနိုင်ပါစေဗျ 😇 ။

နောက်ထပ် ဘယ်နေရာတွေ ထပ်မံလည်ပတ်မလည်းဆိုတာစောင့်မျှော်အားပေးကြပါအုန်းဗျာ ။

အားလုံးကျန်းမာရွှင်လန်းပါစေဗျာ🤫
#WhateverIWrite @wiw.mm #Travel #Monywa

မျှော်လင့်ခြင်း တွေ အိပ်မက်တွေက တကယ်ဖြစ်လာနိုင်လား..? 😪

မျှော်လင့်ခြင်း တွေ အိပ်မက်တွေက တကယ်ဖြစ်လာနိုင်လား..?😪 (Unicode)

ကျွန်တော်တို့ တွေ အတွေးပေါင်းများစွာ နဲ့ ဘဝ မှာ နေထိုင်ရှင်သန်နေကြတာပါ ... စိတ်ကူးတွေ အိပ်မက်တွေ မျှော်လင့်ချက်တွေ က လူတိုင်း ကိုယ်စီမှာ ရှိကြတယ် ... ကျွန်တော့်မှာ လည်း အတွေးတွေ မျှော်လင့်ချက်တွေ အိပ်မက်တွေ ရှိပါတယ် ...

ငယ်ငယ်က ကျောင်းတက် ဆယ်တန်းပြီးရင် ... ဘဝက အေးဆေးဖြစ်ပြီလို့ ထင်ခဲ့ဖူးတယ် မျှော်လင့်ခဲ့ဖူးတယ်။ ဆရာမတွေ က ဆယ်တန်းပဲ ကြိုးစားရမှာ ဆိုပြီး မျှော်လင့်ချက်တွေ ပေးတယ် ဒါပေမယ့် ဆယ်တန်းပြီးတော့ရော ကျွန်တော်တို့တွေ ဟာ တက္ကသိုလ် တွေ ဆက်တက် ရတယ် ... သင်ယူလေ့လာရတယ် သင်တန်းတွေ တက် ကိုယ့် အသက်မွေးမြူဖို့ အတွက် ပညာတွေ သင်ယူ မဆုံး ... ဆယ်တန်းဖြေပြီး အေးဆေးပဲ ဆိုတဲ့ မျှော်လင့်ချက်က ဆယ်တန်းပြီးတော့ မှန်းချက်ထက် နှမ်းထွက်က မကိုက် ... အေးဆေးမဖြစ်တဲ့အပြင် ပို ပြီး သင်ယူ စရာတွေ လေ့လာစရာတွေ ... အလုပ်ရဖို့ တွေ စသဖြင့်ဆယ်တန်းပြီးရင်ဆိုပြီး ကြိုးစားတက်လာတဲ့ တောင်ထိပ်ရောက်ပြီးမှ နောက်ထပ် တောင်တွေအများကြီးကို တွေ့လိုက်ရသလိုပဲ ... ကျွန်တော်တို့ မျှော်လင့်သလို ဖြစ်လာသလား.?

အသက်မွေးဝမ်းကြောင်း လုပ်ငန်းခွင် ရောက်ပြန်တော့ လည်း လူတွေ မှာ အမျိုးမျိုး အဖုံဖုံ စိတ်ဓာတ်ကျစရာတွေ၊ စိတ်ညစ်စရာတွေ တချို့ ဆို အလုပ်စလုပ်တဲ့ အချိန် ငို ခဲ့ဖူးတာတွေ ရှိမှာပါ ... ကျွန်တော်တို့ စိတ်ကူးတွေ က အလုပ်ရှိရင် ဘယ်လိုဖြစ်မယ် ဆိုပြီး အလုပ်လုပ်ဖို့ ကို တွေးပြီး အလုပ်ရပြန်တော့ရော စိတ်ကူး သလို ဖြစ်လာသလား.? အခက်အခဲတွေ အတိုက်အခိုက်တွေ ကြားမှာ ရှင်သန်နိုင်မှ အမြင့်တစ်နေရာကို ရနိုင်မှာပါ ... အောက်ခြေက တက်လာတဲ့ သူတွေ ဆို ကြုံတွေ့ရစမြဲ အရာတွေ ... ကျွန်တော်တို့ စိတ်ကူးတွေ တကယ်ဖြစ်လာနိုင်သလား.?
ဥပမာ တစ်ခု - အေးအေးဆေးဆေး ကိုယ်ပိုင်ကော်ဖီဆိုင်လေး ဖွင့်မယ် သီချင်းအေးအေးလေးနဲ့ ကော်ဖီ နံ့လေးတွေ က သင်း လို့ ထိုအတွေးမျိုး တော်တော်များများတွေးဖူးမှာပါ ကျွန်တော်တို့ အိပ်မက်တခုလို ကော်ဖီဆိုင်လေး ဖွင့်ဖြစ်တယ်ထား တကယ်ရော အေးအေးဆေးဆေးနေနိုင်မလား.? ကော်ဖီ တစ်ခွက် အခုခေတ် အများဆုံး ၃၅၀၀ ပျှမ်းမျှ ဘယ်နှခွက်ရောင်းနိုင်မှ ဆိုင်ဖိုးက ကျေမလည်း.?ကော်ဖီဆိုင် ဖွင့်ထားတဲ့ သူတွေ ကရော အေးအေးဆေးဆေး နေနိုင်လား.? ကျွန်တော်တို့ အိပ်မက်ထဲကလို အေးအေးဆေးဆေးကော်ဖီဆိုင်ပိုင်ရှင်လေး ဖြစ်မလာနိုင်ပါဘူး ...

တက်ကြမ်းတွေ ဖတ် အောင်မြင်ဖို့ တွေ ပဲ အမြဲတွေး နေတာနဲ့ အောင်မြင်တဲ့ လူဖြစ်မလာနိုင်ပါဘူး
တကယ် လက်တွေ့ ကိုယ်တိုင် သိမှ တက်မှ အောင်မြင်တဲ့လူ ဖြစ်လာမှာပါ တက်ကျမ်းတွေ စိတ်ခွန်အား မြင့်တင်စာတွေ ဖတ်ရုံပဲ ဖတ်ပါ ... အောင်မြင်တဲ့ လူတွေ ကို အားကျပါ သူတို့လို မဖြစ်လို့ အားမငယ်ပါနဲ့ လူတိုင်း ကိုယ့်ဘဝနဲ့ကိုယ်ပါ ကိုယ့်ထက် နိမ့်တဲ့ ဘဝ အခြေအနေမှာလည်း အများအပြားရှိကျပါတယ် ... ကျွန်တော်ပြောချင်တဲ့ အဓိက အချက်က ကိုယ့်ကိုကို ကျေနပ်ဖို့ပါပဲ...☺️

စိတ်ကူးတွေ မျှော်လင့်ချက်တွေ အိပ်မက်တွေ က တကယ် ကိုယ်ဖြစ်ချင်သလို ဖြစ်မလာတက်ပါဘူး ... ဒါပေမယ့် ကျွန်တော် တို့တွေ ဟာ မျှော်လင့်ချက်တွေ ... စိတ်ကူးတွေ ... အိပ်မက်တွေ နဲ့ ရှင်သန်နေကြရအုန်းမှာပါ ... ကျွန်တော်လည်း ဘီလီလျံနာ တစ်ယောက်ဖြစ်ချင်တာပဲ ... ကျွန်တော်လည်း အောင်မြင်ချင်တာပဲ လူတိုင်းလည်း ထိုနည်းလည်းကောင်း ဖြစ်ချင်ကြတာပဲ ... ကံ အရမ်းကောင်းလို့ ထီပေါက်ခဲ့ရင်ရော ... ကျွန်တော်တို့ စိတ်ကူးသလို အစစအရာရာ အေးချမ်းသွားနိုင်မလား.?ကျွန်တော်တော့ မထင်ပါ ထီပေါက်ခဲ့ရင်တောင် ကျွန်တော်တို့ တွေ က ကျွန်တော်တို့ စိတ်ကူးတွေ ကို အကုန် အကောင်ထည် မဖော်နိုင်ပါဘူး ... ကျွန်တော် တို့ စိတ်ကူးတွေ မျှော်လင့်ချက်တွေ အိပ်မက်တွေ က အမြဲ ရှိနေမှာပါ Dream Do Come True ... အိပ်မက်တွေ တကယ်ဖြစ်လာခဲ့ရင်ရော ...? ကျွန်တော်တို့ရောင့်ရဲတင်းတိမ်နိုင်မလား.?
တဖြေးဖြေးကြိုးစားပြီးတက်ပါ အောက်ခြေက ကြည့်တာထက် တောင်လယ်က ကြည့်ရင် ပိုမြင်နိုင်ပါတယ် တောင်လယ်က ကြည့်တာ ထက် တောင်ထိပ် အမြင့်ပေါ် က ကြည့်ရင် အားလုံးကို ပိုမြင်မှာပါ...!ကျွန်တော်လည်း ကြိုးစားတက်နေဆဲပါပဲ😇
တနေ့တော့ အမြင့် ကနေ လှပတဲ့ ရှုခင်းကို မြင်တွေ့ နိုင်မှာပါ☺️
#WhateverIWrite @wiw.mm #Lifestyle #HTD

ကိုရီးယား ကားလောက် လူစိတ်ဝင်စားခံရပါ့မလား.?

ကိုရီးယား ကားလောက် လူစိတ်ဝင်စားခံရပါ့မလား.? (Unicode)

ကိုရီးယား ကားတွေ ပဲ မကြည့်ကြပါနဲ့ ကိုရီးယားကြက်ကြော်လေးလည်းစား ကြပါနော်😁
ကိုရီးယားကြက်ကြော် Korean Fried Chicken (KFC) တဲ့ သူ့ကို chikin လို့ ကိုရီးယားမှာခေါ်ကြပါတယ်။ ကင်ချီ မဟုတ်ဘူးနော် သူက ချီကင် (Chikin)

ကိုရီးယား ကြက်ကြော်မှာ အဓိက သုံးမျိုးရှိပါတယ်တဲ့ဗျာ အဲ့ဒါတွေကတော့ ...
Ganjang-Chikin သူက ပဲငံပြာရည်နဲ့ ကြော်ထားတာ လို့ပြောရမယ် (coated with Soy sauce)
Huraideu-Chikin သူက တော့ အော်ရဂျင်နယ် ကြက်ကြော်
Yangnyeom-Chikin သူက တော့ အစပ်လေးပါတယ် (coated with spicy sauce) တို့ပဲဖြစ်ပါတယ်။
ကိုရီးယားမှာဆိုရင်တော့ ကြက်ကြော်ကို သောက်စရာနဲ့ တခါတည်း တွဲရောင်းပါတယ် Anju လို့ခေါ်တယ်တဲ့ဗျ။

ကိုရီးယားကြက်ကြော်လျှို့ဝှက်ချက်🙄

ကိုရီးယားကြက်ကြော် က အမေရိကန် ကြက်ကြော်နဲ့ မတူတဲ့ လျှိုဝှက်ချက်က ၂ ခါ ကြော်ခြင်းဖြစ်ပါတယ်တဲ့ဗျာ။ ထိုကဲ့သို့ ကြော်ခြင်းကြောင့် အရေခွံ ဟာ ကျွတ် ပြီး တော့ ဆီ နည်းစေ ပါတယ်တဲ့။ စားလို့ ပိုကောင်းစေတယ်ပေါ့ဗျာ။
ကြက်ကြော် ကို မကြော်ခင် spices, sugar and salt
တို့ဖြင့် သေချာနယ်ပြီး နှပ်ထားရပါမယ်။ ကြော်နည်း သေချာ သိချင်ရင် google ကြည့်နော် ။

ကြက်ကြော်ဘယ်ကစ😁

ကိုရီးယားကြက်ကြော် သမိုင်းအစ က အမေရိကန်တွေ ဆီကလို့ပဲပြောရမယ် ကိုရီးယားစစ်ပွဲကာလ အတွင်းက စတယ်လို့ဆိုပါတယ် ... ၁၉၄၀ခုနှစ် နှောင်းပိုင်း နဲ့ ၁၉၅၀ ခုနှစ် အစ မှာစတင်ခဲ့တယ်လို့ လေ့လာသိရှိရပါတယ်။

ကိုရီးယားကြက်ကြော် Yangnyeom-chikin က ၁၉၈၂ ခုနှစ်မှာ Daejeon (ဒယ်ဂျောင်း) မြို့ က Pelicana Chicken ပိုင်ရှင် Yang Hee-Kwon က စထွင်ခဲ့တာလို့သိရပါတယ်။ ဘယ်လိုပဲဖြစ်ဖြစ်
ယနေ့ ခေတ်မှာ ကျွန်တော်တို့ ရန်ကုန်မှာ လည်း ကိုရီးယားကြက်ကြော်ဆိုင်လေးတွေ ရှိလာပါပြီ။
ဖွင့်တာ ကြာပြီဖြစ်တဲ့ Lotteria နဲ့ ယခုနောက်ပိုင်းမှ ဖွင့်လာတဲ့ Bonchon Chicken စသည်တို့ ဖြစ်ပါတယ်။ တခြားဆိုင်တွေ သိကြသေးလား.?သိတဲ့ဆိုင်လေးတွေ မန့်ပေးသွားပါနော်🙄
Bonchon ဆို anju လို့ပြောလို့ရတယ် ကြက်ကြော် နဲ့တွဲပြီး ဘီယာ ပါ ရတယ်။ နောက် ကိုရီးယား ဆိုဂျူး ရတယ် ဆိုဂျူး နဲ့ရောထားတဲ့ ဒိန်ချဉ် ရတယ်ဆိုတော့ အရမ်းမိုက်။ ကျွန်တော်က Bonchon က ကြက်ကြော် လည်းကြိုက် Lotteria လည်းကြိုက် ကြုံရင်ကြုံသလိုစားဖြစ်ပါတယ်။ ဒီစာလည်း Bonchon သွား စားပြီး ရေးလိုက်တာပါ စာဖတ်ပြီး စားချင်လာရင်တော့ အဆင်ပြေတဲ့ ဆိုင်သာ ပြေးစားကြပါဗျ။ ကိုရီးယားကားပဲ မကြည့်ပါနဲ့ ကိုရီးယားကြက်ကြော်လေးပါ ပြေးစားလိုက်ကြပါအုန်းဗျာ😁
#Whatever I Write #Food #KoreanFriedChicken